Við í leikskólanum Fálkaborg bjóðum ykkur velkomin í leikskólann okkar.


Hér eru 60 börn sem leika sér saman bæði úti og inni. Mikið er unnið úti í óspilltri náttúru í kringum leikskólann. Umhverfis leikskólann er skógi vaxið svæði þar sem við uppgötvum náttúruna. Fálkaborg hefur fengið viðurkenningu fyrir kennslustarf í umhverfismennt, við jarðgerum matarafganga og flokkum annað rusl.

Lögð er áhersla á að börnin fái jákvæða reynslu og vinni úr reynslu sinni á sínum forsendum.

Til þess að börn læri, þurfa þau að vera í öruggu umhverfi þar sem lífsgleði og hamingja er höfð að leiðarljósi.

Starfsmannahópurinn er fullur vilja til þess að gera leikskólann Fálkaborg að stað sem börnum, foreldrum og starfsfólki líður vel. Til þess að ná markmiðum okkar höfum við ákveðið fjölbreyttar leiðir og má þar helst nefna áherslu á gott foreldrasamstarf.

Okkur finnst gaman að taka á móti gestum sem vilja kynnast starfi okkar. Við bjóðum þá sérstaklega velkomna sem ætla að vera með okkur til lengri tíma, bæði börn, foreldra og samstarfsmenn.

Verið velkominn í Fálkaborg.

 nánari upplýsingar