Börnin á Arnardeild, yngsti hópurinn, fór í göngutúr. Við tókum ávöxtin með okkur í nesti og borðuðum úti í náttúrunni. Fuglarnir voru rétt hjá okkur. Bryndis: „Anna María, eigum við að gefa fuglunum vínber. Þeir eru kannski líka svangir“.

Næst fórum við niður brekkuna, Herdís, sem er yngst var síðust í röðinni og börnin pössuðu vel uppá að fara ekki á undan henni. Börnin á Arnardeild hugsa vel um vini sína. Anna Marín sá jólatré og Anna María bauð henni að finna hvernig grenitré er viðkomu. Anna Marín: „Ég finn ekkert, ég er með vettlinga“. Hún tók af sér vettlingana, snerti tréð og sagði: „Það er vont“.

Það var erfitt að labba í skóginum. Anna Marín, rétti Dísu hendina og sagði: „Ég skal hjálpa þér“. Þær stóðu saman og klöppuðu fyrir afrekum sínum. Þegar Anna Marín datt, hljóp Birkir til hennar og sagði: „Ég skal hjálpa þér“.

Þegar við vorum komin heim sagði Bryndis: „Anna María, eigum við að fara aftur á morgun?“. Það er gaman að fara í göngutúr. 

Í dag var sullað og bakað. Ánamaðkar fengu að prufa að synda í drullupollum og svo fékk flugan að æfa sundtökin!

Myndirnar tala sínu máli.

Einn liður í verkefninu Kynslóðirnar saman er heimsókn eldri borgara í leikskóla. í dag komu gestir frá Harmonikkufélagi Reykjavíkur í Fálkaborg. Þau sögðu okkur frá hljóðfærinu, spiluðu fyrir okkur og við sungum með. Við dönsuðum líka og allir sem vildu fengu að spila á hljóðfærið.

Myndir

Stelpurnar í Gula hóp eru að rannsaka hvernig rafmagnið verður til. Þær kveiktu á ljósaperu með því að láta vatn úr slöngu renna í gegnum litla rafstöð sem Sigga kom með í leikskólann.

Eftir hádegið fóru þær í Rafstöðina í Elliðaárdal. Þær fylgdust með hvernig vatnið í Elliðaánum rennur inn í rafstöðvarhúsið.

Myndir

Fróðleg ferð í Elliðárdalinn og heimsókn í rafstöðina.