Gulu- og rauðu hópar fóru í dag með rútu í Hörpu. Sinfóníuhljómsveit Íslands og Listdansskóli Íslands buðu okkur ásamt fleiri skólum að koma og sjá sýninguna Maxímús Músíkús bjargar ballettinum. Sagan um Maxímús fléttaðist saman við fallega tónlist og ballettdans.

Myndir í myndaalbúmi

Elstu börnunum var boðið á vorhátíð í Breiðholtsskóla. Fyrst var farið  í ýmsa leiki inn í íþróttasal ásamt börnunum í fyrsta bekk. Eftir það var boðið uppá hressingu inn í matsal. Í boði voru ávextir, vatn, djús og kex. Að því loknu fórum við öll út að leika í frímínútum. Það var mjög gaman að hitta gamla félaga og systkini.

Myndir í myndaalbúmi gula hóps.

Í dag opnaði myndlistarsýning leikskólabarna í Bakkahverfi með pomp og pragt í Mjóddinni. Kór elstu barnanna frá öllum leikskólunum í Bakkahverfi sungu nokkur lög og svo var smá söngur. Síðan fengu börnin að gæða sér á skúffuköku og ávaxtasafa áður en þau skoðuðu svo sýninguna sem er glæsileg sem endranær.

Sýningin mun vera uppi í Mjóddinni til 16. maí og því tilvalið að fara og skoða herlegheitin.

Myndir frá opnunni má finna í myndasafninu.

 Núna fer að líða að því að elstu börnin fara að kveðja og við notuðum tækifæri í útiverunni um daginn að kveðja eina unga dömu.

Einn af vorboðunum er Umferðarskólinn en guli hópur fór yfir í Arnarborg til að fá fræðslu um umferðina og hvernig ber að haga sér þar.

Sjáið fleiri myndir í myndasafninu.